நான் வீழவதில்லை!

 

 மேலே படத்தில் உள்ளவரைப் பற்றியான செய்திகள் சமீபகாலங்களில் ஊடகங்களில் அமர்க்களக்கப்பட்டன.

அவரது பெயர் அரிஃ பீட்டர். வயது 27. தனது  இருபதாவது வயதிலேயே வர்த்தகத்தில் பல உச்சங்களைத்  தொட்டவர். வெற்றிகராமான வர்த்தகர்.

அவருக்கு மாளிகை போன்ற இரண்டு வீடுகள்,  மூன்று கார்கள், கால்நடை பண்ணை - இப்படி  பல வசதிகளோடு, வெற்றிகரமாக வாழ்ந்தவர். ஆனால் அத்தனையும் கடந்த இரண்டு ஆண்டுகளில் தவிடுபொடியாக்கிவிட்டன! 

அவர் செய்த தவறு: ஒரு தவறான முதலீட்டில் அனைத்தையும் இழந்து பத்து இலட்சத்திற்கு மேல் கடனாளியானார்.  அதன் பலன் அனைத்து சொத்துகளையும்  விற்க வேண்டிய சூழல். அப்படி விற்றும் அவரால் கடனை அடைக்க முடியவில்லை.   இப்போது தனது கார் ஒன்றை வீடாக மாற்றிக்கொண்டு, அந்தக் காரில் வாழ்ந்து கொண்டு, ஏதோ ஒரு வேலையைச் செய்து கொண்டு, அந்த வேலையில் வரும் வருமானத்தில்  கடனையும் அடைத்துக் கொண்டு தனது வாழ்க்கையை நடத்திக் கொண்டு வருகிறார்.

அவர் மீது நாம்  எந்தக் குற்றச்சாட்டையும் வைக்க முடியாது. இளம் ரத்தம் அல்லவா?  இளங்கன்று பயமறியாது என்பார்கள். அனுபவக்குறைவு அவரை எப்படியோ  குழியில் தள்ளி விட்டது. 

ஆனால் அது அத்தோடு முடிந்து விடுவதில்லை அது தான் அவனை வெற்றியாளனாக மாற்றிவிடுகிறது. அவர் கடனிலிருந்து விடுபட்ட பிறகு நிச்சயமாக அவர் மீண்டும் வர்த்தகத்துறைக்கு வரத்தான் செய்வார். வியாரத்தொழிலில் உள்ளவர்கள் என்ன தான் தோல்வி அடைந்தாலும்  அவர்கள் மீண்டும் மீண்டும் வியாபாரத்திற்குள் வரத்தான்  விரும்பவார்கள்.

காரணம் அவர்களுக்கே தெரியும்.  தோல்வி என்பது வியாபாரிகளின் வாழ்க்கையில் 'வந்துபோவது'  சகஜம் தான். அவர்களிடம் தனிப்பட்ட சில விசேட குணங்கள் உண்டு. அதனை அவர்களிடமிருந்து பிரிக்க முடியாது. மீண்டும் மீண்டும் முயற்சிகளைச் செய்து கொண்டு தான் இருப்பார்கள்.

மேலே உள்ள நண்பரும் அப்படித்தான்.  இப்போதைக்கு அவர் தனது கடனை அடைக்க வேண்டும்  என்கிற பொறுப்புணர்ச்சியில் வேலை செய்து கொண்டிருக்கிறார். அவர் கடனிலிருந்து விடுபட்ட பின்னர் மீண்டும் அவர் வியாபாரத் துறையில்  இறங்கி விடுவார்.

வியாபாரி என்று சொன்னாலும், தொழிலதிபர்  என்று சொன்னாலும் - என்ன பெயரில் அவர்களை அழைத்தாலும்  - அவர்கள் தங்களது வியாபார முயற்சிகளைக்    கடைசி வரை, வெற்றிபெரும் வரை ,  கை விடமாட்டார்கள்!

வியாபாரிகளுக்கு என்றுமே வீழ்ச்சியில்லை!