பூலாய் நாடாளுமன்ற தேர்தலும் சிம்பாங் ஜெராம் சட்டமன்ற தேர்தலும் வருகின்ற 9 செப்டெம்பர் 2023, சனிக்கிழமை நடைபெற விருக்கின்றது
இந்த இடைத்தேர்தலில் மும்முனை போட்டி என்றாலும் போட்டி என்னவோ ஒற்றுமைக் கூட்டணிக்கும், பெரிகாத்தான் கூட்டணிக்குமான போட்டியாகத்தான் பார்க்கப்படுகின்றது.
இங்கு முக்கியமாக பார்க்கப்படுவது சிம்பாங் ஜெராம் சட்டமன்ற போட்டியில் பக்காத்தான் கூட்டணி வெற்றி பெற வாய்ய்புண்டா என்பது தான். இரண்டு தொகுதியுமே மலாய்க்காரர் அதிகமுள்ள தொகுதி தான் என்றாலும் சிம்பாங் ஜெராம் தொகுதியில் குறைவான சீன வாக்களர்களும் இந்திய வாக்களர்களும் உள்ள தொகுதி என்பதால் பாஸ் கட்சி வெற்றி பெறுவதற்கான வாய்ப்புகள் பிரகாசமாக இருப்பதாக சொல்லப்படுகின்றது.
அதிலும் சீன வாக்காளர்கள் பாஸ் கட்சிக்கு வாக்களிப்பதற்கான வாய்ப்புகள் இல்லை. இந்திய வாக்காளர்களின் நிலை கணிக்க முடியவில்லை என்றாலும் அவர்கள் பக்காத்தான் கூட்டணிக்குத்தான் வாக்களிப்பார்கள் என்னும் நம்பிக்கை உண்டு. அவர்களும் பாஸ் கட்சியின் வலைக்குள் விழ வாய்ப்பில்லை.
இந்த இடைத் தேர்தலில் எந்தக் கட்சி வெற்றி பெற்றாலும் அரசாங்கத்தில் எந்தவொரு பெரிய மாற்றமும் ஏற்படப்போவதில்லை. ஆனால் பக்காத்தான் கூட்டணி தோல்வி அடைந்தால் அது பிரதமர் அன்வாரின் அரசாங்கத்திற்குப் பலத்த அடி என்று கருதலாம். அவர் மக்களின் ஆதரவை இழந்து வருகிறார் என்பது அதன் பொருள்.
இருந்தாலும், இருக்கின்ற சூழலில், அவர் தான் வெற்றி பெறுவார் என்பதற்கான அறிகுறிகள் தென்படுகின்றன. அவ்வளவு சீக்கிரத்தில் மக்கள் அவர் மீது உள்ள நம்பிக்கையை இழந்து விடவில்லை. இன்னும் நாட்டு மக்களின் நம்பிக்கை நட்சத்திரமாகத்தான் அவர் திகழ்கிறார்.
அவர் மீது உள்ள குற்றச்சாட்டுகள் எல்லாம் தற்காலிகைமானவை. வெகு விரைவில் அவைகளை எல்லாம் அவர் களைந்து மீண்டும் நாட்டு மக்களின் நம்பிக்கையைப் பெறுவார் என நம்பலாம். நாம் அவர் மீது நம்பிக்கை இழந்தாலும் அவர் நம்மீது உள்ள நம்பிக்கையை இழக்கமாட்டார்.
ஏற்கனவே அவர் மீது உள்ள குற்றச்சாட்டுகளை எல்லாம் இப்போது சுட்டிக்காட்டுவது தேவையற்ற வேலை. அதனால் யாருக்கும் பயனில்லை. தவறு செய்யாத அரசியல்வாதி யார்? பழையனவற்றை இப்போது புதிப்பிக்க வேண்டாம். மறந்துவிட்டு இப்போது என்ன நடக்கிறது என்பதை மட்டும் பாருங்கள். சுட்டிக்காட்டுங்கள். பேசுங்கள். விவாதியுங்கள்.
இந்த இடைத் தேர்தலில் யார் வெற்றி பெற்றாலும் வாழ்த்துகள்!
No comments:
Post a Comment