வாக்குறுதி நிறைவேற்றப்படும்...!

பிரதமர் மகாதிர் மீண்டும் உறுதிப்படுத்தியிருக்கிறார்.

இந்தத்   தவணை முடியும் மட்டும் நீங்களே பிரதமராக நீடிக்க வேண்டும் என்று கூறப்படுவதை தாம் ஏற்றுக்கொள்ளவில்லை என்பதாக பிரதமர் மகாதிர் மீண்டும் உறுதிப்படுத்தியிருக்கிறார். 

சமீபத்தில் எதிர்க்கட்சியினர் அவரைச் சந்தித்து அவரது தலைமை நீடிக்க வேண்டும் என்பதாக வலியுறுத்திய பின்னரும் அவர் அதனை ஏற்றுக்கொள்ளவில்லை. 

"கடந்த தேர்தலின் போது கொடுத்த வாக்குறுதி நிறைவேற்றபடும்" என்பதை மீண்டும் டாக்டர் மகாதிர் உறுதிப்படுத்தியிருக்கிறார். "எதிர்க்கட்சியினர் கொடுத்த ஆதரவை மதிக்கிறேன். அது அவர்களின் கருத்து.  ஆனால் கொடுத்த வாக்குறுதி காக்கப்படும். அதில் ஏதும் மாற்றமில்லை." 

எதிர்க்கட்சிகள் டாக்டர் மகாதிர் மீது காட்டும் தீடீர் பசத்தை மூத்த பத்திரிக்கையளர் காடிர் ஜாசின் சாடியிருக்கிறார். இந்தத் தீடீர் பாசம் என்பது நாட்டின் நலனுக்காக அல்ல.  எதிர்க்கட்சிகள் நடப்பு அரசாங்கத்தை வீழ்த்தும் சதியில் இறங்கியிருக்கின்றன.  பக்காத்தான்  கட்சிகளிடையே பிளவுகள் ஏற்படுத்தி  அரசாங்கத்தை வீழ்த்துவதே அவர்களின் நோக்கம் என்பதாக அவர் சாடியிருக்கிறார்!

எதிர்கட்சிகளின் தீடீர் பாசம் ஒரு பக்கம். இன்னொரு பக்கம் டாக்டர் மகாதிர் கட்சியைச் சார்ந்தவர்களே அவர் தொடர்ந்து பதவியில் இருக்க வேண்டும் என்பதாகவும் கூறி வருகின்றனர்.  தனது சொந்தக் கட்சியினரே, அவர் தலைமை நீடிக்க வேண்டும் என்பதையும் டாக்டர் மகாதிர் ஒரு முடிவுக்குக் கொண்டு வர வேண்டும்.

இது போன்ற பேச்சுக்கள் டாக்டர் மகாதிரைப் பலவீனப்படுத்துகின்றன என்பதும் ஒரளவு உண்மையே.  எதிர்க்கட்சியினர் கூறுவதை நம்மால் உணர முடிகின்றது.  அவர்களின் நோக்கம் அரசாங்கத்தைப் பலவீனப்படுத்தும் நோக்கம் கொண்டவை.  ஆனால் அதனையே ஆளுங்கட்சியைச்  சேர்ந்தவர்கள் கூறும் போது அது வேறு ஒரு அர்த்தத்தில்  ஊகிக்கப்படும்.  டாக்டர் மகாதீரே அதன் பின்னணியில் இயங்குகிறார் என்பதாகப் பொருள் கொள்ளப்படும்.

நாம் சொல்ல வருவதெல்லாம் இது போன்ற பேச்சுக்கள் வருங்காலங்களில்  எழ்வே கூடாது என்பது தான், குறிப்பாக பக்காத்தான் கட்சியிலிருந்து  இது போன்று பேசுவதை தடை விதிக்க வேண்டும். 

டாக்டர் மகாதிர் கொடுத்த வாக்குறுதி நிறைவேற்றப்படும் என்பதை அறிய மகிழ்ச்சி!
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;